“ბიძინა ივანიშვილი რას მართავს, ნამდვილად არ ვიცი, იმიტომ, რომ მე ნამდვილად არ მმართავს”

მე არ მითქვამს, რომ ბიძინა ივანიშვილი ხელისუფლებას მართავს. რას მართავს, არ ვიცი. მე ნადვილად არ მმართავს, – ამის შესახებ საქართველოს პრეზიდენტმა ტელეკომპანია „რუსთავი 2“ -ის გადაცემაში „არჩევანში“ განაცხადა.
მისივე თქმით, საარჩევნო პროცესში ბიძინა ივანიშვილი „ქართული ოცნების“ ერთ-ერთი მთავარი სახე იქნება და ეს მისი კონსტიტუციური უფლებაა.
„მე არასდროს ვლაპარაკობ იმაზე, რაც არის ჭორი და რაც მე არ გამიგია. მე ვლაპარაკობ „ქართული ოცნების“ საჯარო განცხადებებზე, ბიძინა ივანიშვილის საჯარო განცხადებებზე. რას მართავს ნამდვილად არ ვიცი, იმიტომ, რომ მე ნამდვილად არ მმართავს. მე მესმის, რომ არჩევნების პროცესში „ქართული ოცნების“ ერთ-ერთი მთავარი სახე იქნება ბიძინა ივანიშვილი. ეს მისი და მათი კონსტიტუციური უფლებაა. მართვის თაობაზე მე ვერაფერს გეტყვით“, – აღნიშნა გიორგი მარგვერლაშვილმა.