” ეს არის სპექტაკლი, რომელსაც დგამს მიხეილ სააკაშვილი”

დავით თარხან-მოურავმა “პრიორიტეტში” არსებული პოლიტიკური კვლევები შეაფასა. “არანაირი კვლევები არ არსებობს “ენ დი აის” კვლევების გარდა, ჩავატარეთ საპასუხო კვლევა, მთელი საქართველოს მასშტაბით 28 000 ადამიანზე მეტი გამოვკითხეთ და დავადასტურეთ, რომ “ენ დი აი” რეალურ კვლევებს არ ატარებს და არავინ არ ენდობა. ამას მტკიცებაც კი არ უნდა. მაშინ როცა ბიძინა ივანიშვილმა გაიმარჯვა, გვეუბნებოდნენ ივანიშვილის რეიტინგი ორჯერ უფრო დაბალია, ვიდრე გიორგი თარგამაძის, რასაც არცევნებით გაეცა პასუხი. თარგამაძემ ბარიერიც ვერ გადალახა. ეს ყველაფერი არის სიცრუე. მიხეილ სააკაშვილი და მისი მხარდამჭერები მუდმივად ცდილობენ თქვან, რომ ჩვენ არ გვაქვს რეიტინგი. იმიტომ რომ ჩვენ ვართ მთავარი ოპოზიციური ძალა. ეს არის სპექტაკლი, რომელსაც დგამს მიხეილ სააკაშვილი”-განაცხადა თარხან-მოურავმა.