ყვითელი ღორის წელი რთული იქნება პარლამენტის თავმჯდომარისთვის, ირაკლი კობახიძისთვის.
ასტროლოგ მიხეილ ცაგარელის თქმით, 2019 წელს კობახიძე პარლამენტის თავმჯდომარის თანამდებობის დაკარგვის საფრთხის წინაშე რამდენჯერმე დადგება.
“ირაკლი კობახიძე 1978 წლის 25 სექტემბერს დაიბადა. ცხენის წელიწადში დაბადებული სასწორია. საშუალო წელიწადი იქნება, რომელიც შეიძლება, ხუთბალიანი სისტემიდან სამიანით შევაფასოთ. ამ შემთხვევაში შეიძლება, მან თანამდებობაც დატოვოს. ზოგადად ბევრი დაკარგავს თანამდებობას. ეს არის ახალი ლიდერების გამოჩენის წელიწადი. განსაკუთრებით რთული პერიოდი იქნება ივლისის და ივნისის თვეები.
პირადად კობახიძისთვის ძალიან რთული იქნება წლის დასაწყისი – მისთვის თანამდებობის დატოვების პირველი ზარი იქნება იანვარში და მეორე ზარს კი აპრილში უნდა ველოდოთ. თუ მოახერხა და კრიზისი დაძლია, მერე შემოდგომა ექნება მძიმე.
სექტემბერში და ოქტომბრის პირველი ნახევარში უნდა ველოდოთ სამთავრობო ცვლილებებს. ამ პერიოდში არის ყველაზე მეტი შანსი თანამდებობის დაკარგვის. ეს აბსოლუტურად ყველას ეხება“, – აცხადებს ცაგარელი “2020NEWS“-თან საუბარში.