მცხეთის სამედიცინო ცენტრის კლინიკური დირექტორის, დავით ლოლაძის განცხადებით, კლინიკაში რესპირატორული დაავადებებით მიმართვიანობის მაჩვენებელი შემცირებულია და ამ დრომდე H1N1-ის არც ერთი შემთხვევა არ დადასტურებულა.
„ჩვენი კლინიკა სრული დატვირთვით მუშაობს. შეზღუდა ეხება მხოლოდ პაციენტის თავმდგმურს, მნახველს და კლინიკაში რიგითი მოქალაქეების გადაადგილებას, რათა არ მოხდეს ინფექციის გავრცელება. პაციენტთა მომართვიანობა შემცირებულია. გუშინ მცხეთის სამედიცინო ცენტრში მწვავე რესპირატორული დაავადებით ექვსი პაციენტი შემოვიდა, აქედან დადასტურდა ოთხი პნევმონია. არც ერთი დადასტურებული H1N1 არ არის, თუმცა არსებული მდომარეობიდან გამომდინარე, ყველა რესპირატორულ დაავადებას უნდა შევხედოთ ისე, როგორც დადასტურებულს და ვუმკურნალოთ შესაბამისი სქემით“, – განაცხადა დავით ლოლაძემ.
ამასთან, მცხეთის სამედიცინო ცენტრის დირექტორი დავით ლოლაძე მიესალმება მთავრობის ინიციატივას, რომ მედიკამენტი „ტამიფლუ“, ექიმის გადაწყვეტილების საფუძველზე, ყველა მოქალაქეზე უფასოდ გაიცეს.