პარლამენტის იურიდიულ საკითხთა კომიტეტის თავმჯდომარის პირველი მოადგილე დავით მათიკაშვილი ეკა ბესელიას უმრავლესობის და „ქართული ოცნების“ დატოვების საკითხს გამოეხმაურა. მისი თქმით, აღნიშნული გადაწყვეტილება გუნდის მთლიანობას საფრთხეს ვერ შეუქმნის.
„ნებისმიერი ადამიანის, მათ შორის დეპუტატის გადაწყვეტილება, არის მისი გადაწყვეტილება. ხაზს ვუსვამ, ეს გუნდის მთლიანობასა და სიმყარეს საფრთხეს ვერ შეუქმნის. „ქართული ოცნება“ 2020 წელს ერთიანი გუნდით წარდგება ამომრჩევლის წინაშე, ხოლო ინდივიდუალური გადაწყვეტილებები მათი გადაწყვეტილებებია, ვინც ამას იღებს“, – განაცხადა მათიკაშვილმა.
შეგახსენებთ, რომ დეპუტატმა ეკა ბესელიამ პარტია „ქართული ოცნება“ და საპარლამენტო უმრავლესობა დატოვა.
კომენტარები