“თიბისი ბანკის“ ხელმძღვანელობა უკიდურეს ზომებზე წავიდა… მათი სტრატეგია მიზნად პროცესის მაქსიმალურად პოლიტიზირებას და ხმაურიანად განვითარებას ისახავს, – ასე გამეოხმაურა საპარლამენტო უმრავლესობის დეპუტატი გიორგი ვოლსკი „თიბისი ბანკის“ დამფუძნებლის მიერ გაცხადებულ უმძიმეს ბრალდებას, რომლის მიხედვითაც, მას შს მინისტრმა მუქარის შემცველი წერილი გაუგზავნა.
როგორც ვოლსკიმ ჟურნალისტებთან საუბრისას აღნიშნა, ბანკის ხელმძღვანელობამ უნდა წარმოადგინოს წერილი, რომელზეც აპელირებენ.
“გიორგი გახარიას თემა მოგონილია სწორედ იმიტომ, რომ ოპოზიციას ეს განცხადება გამოეყენებინა. არ მგონია, რომ ამ საქმეს ასეთი ისტერიკა სჭირდება. ბანკის ხელმძღვანელობამ უნდა წარმოადგინოს წერილი, რომელზეც აპელირებას აკეთებენ თვითონ და “ნაციონალირი მოძრაობა“. ისტერიკის ტონალობა, რომელიც ოპონენტ პოლიტიკურ პარტიებს გააჩნია, კიდევ უფრო გაძლიერებულია იმ უსაფუძვლო განცხადებებით, რომელიც “თიბისი ბანკის“ ხელმძღვანელობამ გააკეთა“,– განაცხადა ვოლსკიმ.