საქართველოს მთავრობის ინიციატივით დაწყებული მასშტაბური პროექტი Check in Georgia გრძელდება.
ქართული მუსიკალური ანსამბლებისა და ჯგუფების მონაწილეობით დღეს კონცერტები დუშეთში, თიანეთსა და მესტიაში გაიმართება.
დუშეთში, სოფელ ჩარგალში, 13:00 საათზე, ვაჟა ფშაველას მუზეუმის ტერიტორიაზე კონცერტს ორი ანსამბლი – „გორდელა“ და „ჩვენებურები“ გამართავს.
კონცერტის პარალელურად, სახალხო დღესასწაულის – „ვაჟაობა“ ფარგლებში, ადგილზე მთელი დღის განმავლობაში ასევე, დაგეგმილია სხვადასხვა ღონისძიებები.
დღსვე, თიანეთში, 19:00 საათზე, ვაჟა ფშაველას სახელობის კულტურისა და დასვენების პარკში ანსამბლ „ორერას“, ჯუფ „ფლეშის“ და დავით ილურიძის ბენდის (სოლისტები მაკა გამყრელიძე და ხათუნა ჯალაღონია) მონაწილეობით კონცერტები მოეწყობა.
მესტიაში, 19:00 საათზე, სეტის მოედანზე მსმენელს საშუალება ექნება, ჯგუფ „ბანისა“ და დათო ევგენიძის ბენდის კონცერტს დაესწროს.
კომენტარები