მთავრობის ადმინისტრაციის წინ ჩანაცვლებითი თერაპიით მოსარგებლე ნარკოტიკების მომხმარებლების აქცია გაიმართა. აქციის მონაწილეები საკანონმდებლო რეგულაციას აპროტესტებენ, რაც ნარკოტიკული თრობის შემთხვევაში სისხლის სამართლებრივ პასუხისმგებლობას ითვალისწინებს.
აქციის მონაწილეების განცხადებით, ახალი რეგულაციები ჩანაცვლების პროგრამაში მყოფ ნარკოტიკების მომხმარებელ პირებისთვის მართვის მოწმობის ჩამორთმევა, ამ ადამიანებს უსპობს დასაქმების შესაძლებლობას და აუცილებელია ამ რეგულაციების გაუქმება.
პირველი აპრილიდან სატრანსპორტო საშუალების ნარკოტიკული, ფსიქოტროპული და ახალი ფსიქოაქტიური ნივთიერების ზემოქმედების ქვეშ მართვა სისხლის სამართლის წესით დასჯადი გახდა.
კანონში შეტანილი ცვლილების თანახმად, ნარკოტიკული ნივთიერების ზემოქმედების ქვეშ სატრანსპორტო საშუალების მართვისთვის გათვალისწინებულია ჯარიმა ან ერთ წლამდე თავისუფლების აღკვეთა. ასევე, სამი წლის ვადით სხვადასხვა უფლების, მათ შორის, სატრანსპორტო საშუალების მართვის უფლების ჩამორთმევა.
იმედინიუსი