გარდაბნის რაიონში 33 წლის ორსული ქალი გარდაიცვალა. ის სოფელ ნაზარლოს მკვდრი იყო. როგორც ოჯახის წევრები აცხადებენ, რვა თვის ორსული გუშინ საღამოს შეუძლოდ გახდა და გარდაბნის კლინიკაში, ე.წ. ემერჯენსის განყოფილებაში გადაიყვანეს. ოჯახის წევრები ამბობენ, რომ პაციენტს ადგილზე პირველადი დახმარება აღმოუჩინეს, მედიკამენტი დაალევინეს და სახლში გაუშვეს, თუმცა მოგვიანებით მისი მდგომარეობა დამძიმდა და კვლავ კლინკაში მიიყვანეს. კლინიკაში კი, უთხრეს, რომ ბავშვი უკვე დაღუპული იყო და პაციენტის გადარჩენაც ვერ მოხერხდა.
ორსული ქალის გარდაცვალებაში ოჯახი ექიმებს ადანაშაულებს. ისინი კლინიკაში არიან შეკრებულები, სადაც ხმაურია.
გარდაცვლილი სამირა იუსუბოვას ოჯახის წევრები პასუხისმგებელ პირთან შეხვედრას და გარდაცვალების მიზეზების გარკვევას მოითხოვენ.
კომენტარები