მე პირადად, ჩანაწერები ვერ შემიცვლის წარმოდგენას იმ პროცესებზე, რაც ჩემი თვალით ვნახე, – ამის შესახებ პარლამენტის თავმჯდომარემ არჩილ თალაკვაძემ 20-21 ივნისის მოვლენების ამსახველ ახალ ვიდეოკადრებთან დაკავშირებით განაცხადა, სადაც „ნაციონალური მოძრაობის“ წევრი ნიკა მელია ფიგურირებს.
როგორც არჩილ თალაკვაძემ აღნიშნა, მოვლენების განვითარების მთელი საზოგადოება ადევნებდა თვალს პირდაპირ ეთერში.
„მესმის, რომ ჩვენი ოპონენტების ნაწილს აქვს მცდელობა, რომ როგორმე თავიდან აიცილონ თუმდაც პოლიტიკური პასუხისმგებლობა რომ არაფერი ვთქვათ სხვა ტიპის პასუხისმგებლობაზე, მაგრამ ეს არის მხოლოდ და მხოლოდ პოლიტიკური მანევრები. აქ მნიშვნელოვანი არის ერთი, რომ მშვიდობიანი მანიფესტაციის გამოყენება სცადა ძალადობრივი სცენარისთვის კონკრეტულმა პოლიტიკურმა ჯგუფმა და ამაზე პოლიტიკური პასუხისმგებლობის აღება მათ მოუწევთ“, – განაცხადა არჩილ თალაკვაძემ.