კახა კალაძე: ოქრუაშვილს ვინმე “ხამსამ” კი არა, თავად ოქრუაშვილმა ესროლა

თბილისის მერმა, კახა კალაძემ მედიის მიერ დასმულ კითხვას – რამდენად რეალურია თავდაცვის ყოფილი მინისტრის, ირაკლი ოქრუაშვილის განცხადება, თითქოს, 2016 წელს მასზე განხორციელდა თავდასხმა, ირონიით უპასუხა.
“რეალურად სხვაგვარად მოხდა, ირაკლი ოქრუაშვილს ვინმე “ხამსამ” კი არა, ირაკლი ოქრუაშვილმა ესროლა და ამაზე ირაკლი ოქრუაშვილი მოგვიანებით ისაუბრებს”, – განაცხადა კალაძემ.
თავდაცვის ყოფილმა მინისტრმა, „გამარჯვებული საქართველოს“ ლიდერმა, ირაკლი ოქრუაშვილმა გუშინ სატელევიზიო ეთერში განაცხადა:
„2016 წელს, როდესაც მომთხოვეს, „რუსთავი 2-ის“ ამ დოკუმენტის მიხედვით უარი მეთქვა ჩემს პრეტენზიაზე და უარი მიიღეს ჩემგან, თქვენ გგონიათ, გორში ვიღაც „ხამსამ“ გაბედა და მესროლა?ღარიბაშვილს შევუთვალე, ამ საქმის უკან შენ იდექი-მეთქი და 15 წუთში დაფქვა, მე კი არა, კახა კალაძე იყოო“, – აღნიშნა მან.