რუმინეთში საპრეზიდენტო არჩევნების მეორე ტური მიმდინარეობს. კენჭისყრა ქვეყნის მასშტაბით 18 748 საარჩევნო უბანზე მიმდინარეობს, უცხოეთში მყოფი რუმინელებისთვის კი 835 უბანი გაიხსნა. ამის შესახებ სააგენტო Bloomberg-ი წერს.
ამომრჩეველთა სიაში 22 მილიონზე მეტი ადამიანია, საარჩევნო უბნები ადგილობრივი დროით 21:00 საათზე დაიხურება.
არჩევნების პირველი ტური 10 ნოემბერს ჩატარდა, როდესაც 14 კანდიდატიდან ვერც ერთმა ხმათა საკმარისი რაოდენობა ვერ მიიღო. მეორე ტურში ერთმანეთს მოქმედი პრეზიდენტი, ნაციონალ-ლიბერალური პარტიის კანდიდატი კლაუს იოჰანისი (37,82%) და სოციალ-დემოკრატიული პარტიის კანდიდატი ვიორიკა დენჩილე (22,26%) დაუპირისპირდებიან.
რუმინეთის პრეზიდენტს მოსახლეობა 5 წლის ვადით ირჩევს.
კომენტარები