გორის მუნიციპალიტეტის სოფელ ზემო სობისის მცხოვრებლებმა საკუთარ ყანაში ქერის მოსავლის აღება დილის 11:00 საათიდან დაიწყეს.
ორი დღის წინ, მოსავლის ასაღებად მისულ მოსახლეობას საკუთარ ყანაში კომბაინი დახვდათ, რომელსაც 2 ჰექტარი ქერის მოსავალი უკვე აღებული ჰქონდა.
რამდენიმე საათის განმავლობაში ცხინვალთან მოლაპარაკებებს ცხელი ხაზის მეშვეობით შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი აწარმოებდა.
მოლაპარაკებების შედეგად მხარეები შეთანხმდნენ, რომ სოფლის მცხოვრებლებს მოსავლის ასაღებად ხუთი საათი მიეცათ.
დღეს დილიდან მოსავლის აღების პროცესს, რაიონის გამგებელი, სოფლის რწმუნებული, სამართალდამცავები და ევროკავშირის სამაკვირვებლო მისიის წარმომადგენლები აკვირდებიან.
კომენტარები