აფხაზეთის საოკუპაციო რეჟიმის ექიმები ენგურის ხიდზე მოქალაქეებს კორონავირუსზე ამოწმებენ. გალელი რესპონდენტების ინფორმაციით, დანარჩენი საქართველოდან ოკუპირებულ აფხაზეთში გადამსვლელების შემოწმება სავალდებულოა, თუმცა, სურვილისამებრ ზუგდიდში გადმომსვლელებსაც ამოწმებენ.
რაც შეეხება პროცედურებს, გალელები ამბობენ, რომ მათ ტემპერატურას უზომავენ და რენტგენს უღებენ. შემოწმება ენგურის ხიდის ე.წ. გამშვებ პუნქტთან სამედიცინო მობილურ ამბულატორიაში დღეს, პირველ თებერვალს დაიწყო.
კომენტარები