ნაციონალური მოძრაობის დეპუტატ რომან გოცირიძეს გამოეხმაურა მამა გაბრიელ ჩადუნელი.
“მინდა გამოვეხმაურო რომან გოცირიძის მიერ ნათქვამს, ერთჯერადი კოვზით ზიარებასთან დაკავშირებით, რომელმაც თავისი საქმე გააკეთა ამ სიტყვით და საზოგადოებაში კამათის საფუძველი გახდა, რაც ყოვლად დაუშვებელია.
ზიარება იმდენად დიდი და წმინდა საიდუმლოა, რომ თუ მაზიარებელი არა ხარ, ძნელია ჩასწვდე ამ საიდუმლოს არსს. საზიარებელი ჭურჭელი და მათ შორის კოვზი, აუცილებელია იყოს ვერცხლის, ან მოოქროვილი ( რაც ერთჯერადი კოვზი ვერ იქნება ასეთი ). თუ რატომ უნდა იყოს მაინცდამაინც ვერცხლის ან მოოქროვილი, მიდით ტაძარში, გახდით დედა ეკლესიის ნაწილნი და დამერწმუნეთ, არც კი მოგივათ აზრად მსგავსი საკითხი საკამათო გახადოთ. ვინც მაზიარებელნი ხართ, მოგეცეთ წმინდა ზიარება საკურნებელად სულისა და ხორცისა.”- აცხადებს გაბრიელ ჩადუნელი.