ჯანდაცვის მინისტრის, ეკატერინე ტიკარაძის თქმით, ქვეყანაში კორონავირუსის შემოტანის პრევენციისთვის ყველაფერი კეთდება. ამის შესახებ მან პარლამენტში, მინისტრის სათის ფორმატში გამოსვლისას განაცხადა.
როგორც მინისტრი განმარტავს, ინფექციის დაფიქსირების შემთხვევაშიც ქვეყანა მზად არის, პაციენტებს სწრაფი და ხარისხიანი გადაუდებელი დახმარება გაუწიოს.
“ქვეყანაში ყველაფერი კეთდება იმისთვის, რომ მოვახდინოთ კორონავირუსის შემოტანის პრევენცია. მინდა, საჯაროდ გადავუხადო მადლობა სამედიცინო პერსონალს, ეპიდემოლოგების მთელ გუნდს, ლუგარის ლაბორატორიის, ასევე დაავადებათა კონტროლის სამსახურის, საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებს თავდაუზოგავი შრომისა და აქტიური თანამშრომლობისთვის. მოგეხსენებათ, დღეიდან დაავადებათა კონტროლის ეროვნულ ცენტრს, კერძოდ კი ლუგარის ლაბორატორიას ვირუსის იდენტიფიცირება/დიაგნოსტირების საშუალება აქვს“, – აღნიშნა მინისტრმა.