2019 წლის იანვრიდან ხუთჯერადად გაიზარდა ბავშვებზე გაწეული დახმარება, ასევე არსებობს საკვები ვაუჩერები, მაგრამ ეს არ არის საკმარისი ბენეფიტი და აღმასრულებელ მთავრობასაც მათი კეთილდღეობისთვის ბევრი აქვს გასაკეთებელი,– ამის შესახებ ჯანდაცვის მინისტრმა ეკატერინე ტიკარაძემ პარლამენტის პლენარულ სხდომაზე განაცხადა.
„გამოვეხმაურები დასმულ შეკითხვას, შიმშილობენ თუ არა დღეს ბავშვები საქართველოში. ნამდვილად იყო ეს ძალიან მწვავე დისკუსიის თემა წლების წინათ და ეს საკითხი დღესაც მწვავედ დგას. აუცილებლად უნდა აღვნიშნო, რომ 2019 წლის იანვრიდან ხუთჯერადად გაიზარდა ბავშვებზე გაწეული დახმარება. ასევე არსებობს საკვები ვაუჩერები, მაგრამ ჩვენ ნამდვილად მიგვაჩნია, რომ ეს არ არის საკმარისი ბენეფიტი და აღმასრულებელ მთავრობასაც ჯერ ძალიან ბევრი აქვს სამუშაო, რათა ჩვენი ბავშვები არა მხოლოდ არ შიმშილობდნენ, არამედ მათი კეთილდღეობისთვის ჩვენ ძალიან ბევრი რამ გავაკეთოთ“,- განაცხადა ეკატერინე ტიკარაძემ.