ხობში მომხდარი ინციდენტის დროს დაშავებული პაციენტი გარდაიცვალა. 77 წლის ქალი მკურნალობას ქუთაისის ინტერვენციული მედიცინის ცენტრში რამდენიმე დღე გადიოდა. ის რეანიმაციულ განყოფილებაში იყო მოთავსებული, თუმცა მძიმე მდგომარეობის გამო, მისი გადარჩენა ვერ მოხერხდა.
დაშავებული ქალი კლინიკაში რამდენიმე დღის წინ ხობიდან გადაიყვანეს, სადაც მეზობელთან სტუმრად მისულმა კაცმა მას თავში ბლაგვი საგანი ჩაარტყა.
Imedinews-ის ინფორმაციით, 1-ელ თებერვალს ხობის მუნიციპალიტეტის სოფელ პირველი მაისიდან სტუმრად მისულმა კაცმა მასპინძელი დაჭრა, მიმალვის მცდელობისას კი მეზობლის სახლს შეაფარა თავი, სადაც ქალს ფიზიკური დაზიანებები მიაყენა. დაჭრილ კაცს ხობის რეფერალურ საავადმყოფოში ოპერაცია ჩაუტარდა, თუმცა მისი გადარჩენა ვერ მოხერხდა.
თავდამსხმელი დაკავებულია, მომხდარზე გამოძიება სისხლის სამართლის კოდექსის 108-ე მუხლით მიმდინარეობს.