სარფის საბაჟო-გამშვებ პუნქტზე გადაადგილება დროებით შეიზღუდა. გადაწყვეტილება საქართველოსა და თურქეთის მთავრობებმა ერთობლივად მიიღეს. შეზღუდვის მიუხედავად, სატვირთო გადაზიდვები მაინც განხორციელდება.
ცნობისთვის, აჭარაში კარანტინის რეჟიმში 30-ზე მეტი პირია მოთავსებული, თვითიზოლაციაში კი 70-მდე ადამიანი იმყოფება. ბათუმის ინფექციურში გუშინ მოთავსებულ პირებს კორონავირუსი არ დაუდასტურდათ. ხუთივე პირის შემთხვევაში ლაბორატორიული კვლევის პასუხი უარყოფითია. ხოლო ინფექციურ საავადმყოფოში დღეს გადაყვანილი პირების ანალიზის პასუხები რამდენიმე საათში გახდება ცნობილი.
შეგახსენებთ, რომ საქართველოში მთლიანად კორონავირუსის 30 შემთხვევაა დადასტურებული, კარანტინში 418 ადამიანი იმყოფება, სტაციონარში მეთვალყურეობის ქვეშ კი 54 პაციენტია.
კომენტარები