საქართველოში ახალი კორონავირუსით ინფიცირებული პირველი პაციენტი გამოჯანმრთელდა. ამის შესახებ „პრაიმტაიმს“ ინფორმაცია დაავადებათა კონტროლის ცენტრის დირექტორის მოადგილემ, პაატა იმნაძემ დაუდასტურა.
ინფორმაცია თავდაპირველად ჯანდაცვის მსოფლიო ორგანიზაციის მონაცემთა ბაზაში აისახა. მათ კი მონაცემებს საქართველოდან აწვდიან.
საქართველოში კორონავირუსით დაინფიცირების პირველი შემთხვევა 26 დეკემბერს დადასტურდა. დაინფიცირებულ საქართველოს მოქალაქეს ირანში მოგზაურობის ისტორია ჰქონდა. პირველმა ტესტმა კორონავირუსზე უარყოფითი პასუხი აჩვენა, თუმცა საბოლოო გამოჯანმრთელების დიაგნოზისთვის ტესტის განმეორებით ჩატარებაც არის საჭირო.
ბოლო მონაცემებით, საქართველოში ახალი კორონავირუსით ინფიცირებული ახლა უკვე 29 ადამიანია.
კომენტარები