“ხვალ საღამოს გვეცოდინება, არსებობს თუ არა ეპიდემიის რისკი, რომელსაც ვშიშობდით და ვვარაუდობდით”

ჯანდაცვის მინისტრი აცხადებს, რომ ხვალ გახდება ცნობილი, არსებობს ეპიდემიის რისკი თუ არა. ამის შესახებ ეკატერინე ტიკარაძემ “მოამბესთან” ისაუბრა.

“დაახლოებით ხვალ საღამოს გვეცოდინება, არსებობს ეპიდემიის რისკი, რომელსაც ვშიშობდით და ვვარაუდობდით, თუ ჯერ კვლავ დაკავებულია რისკები, რომლის პრევენციასაც უკვე ორი თვეა, ვახდენთ,” – აცხადებს მინისტრი.

ტიკარაძემ იმ პაციენტის შესახებაც ისაუბრა, რომლის დაინფიცირების წყარო ჯერჯერობით უცნობია:

„ჯერ მოკვლევა მიმდინარეობს. თუმცა, დადებითი ეფექტი ის არის, რომ აკრეფილი გვაქვს ჯაჭვი ყველა იმ ადამიანისა, ვისთანაც ეს პაციენტი კონტაქტში იმყოფებოდა, რაც მდგომარეობას მნიშვნელოვნად ამსუბუქებს. ეს ამსუბუქებს იმ რისკებს, რომელიც შეიძლება, მეოთხეული გადაცემის რისკი გახდეს“, – განაცხადა ტიკარაძემ.