როგორც მეუბნებიან, ზოგიერთ არხზე არის გადაცემები, რომლებიც თრგუნავს ადამიანებს,– ამის შესახებ საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, პაატა იმნაძემ ტელეკომპანია „იმედის“ ეთერში განაცხადა.
როგორც იმნაძემ აღნიშნა, ეს აქვეითებს იმუნიტეტს და ადამიანები უფრო მოწყვლადი ხდებიან.
„სამწუხაროდ, მედიას ვერ ვადევნებ თვალს, მაგრამ როგორც მეუბნებიან, არის ისეთი გადაცემები ზოგიერთ არხზე, რომლებიც დამთრგუნველად მოქმედებს ადამიანებზე. არის მოდელირება. თქვენ არხს ჰქონდა თავის დროზე ამის ისტორიაც. თრგუნავენ ადამიანებს. არ უნდა დაგავიწყდეს, რომ ეს აქვეითებს ადამიანის იმუნიტეტს და ადამიანები უფრო მოწყვლადი ხდებიან“, – განაცხადა პაატა იმნაძემ.
კომენტარები