რესპუბლიკური საავადმყოფოს ემერჯენსის ხელმძღვანელის, თეა თავართქილაძის განცხადებით, გუშინ ვირუსის სიმპტომების მქონე 7 პაციენტს ტესტირება ჩაუტარდა და არც ერთ მათგანს COVID-19 არ დაუდასტურდა. დღეს კი რესპუბლიკურ საავადმყოფოში 10 პაციენტის ტესტირება იგეგმება, რომლის პასუხებიც მოგვიანებით გახდება ცნობილი.
“ამ ეტაპზე ჩვენს კლინიკაში მოთავსებულია 46 პაციენტი, 46-ვე პაციენტის მდგომარეობა არის დამაკმაყოფილებელი.
პაციენტებს, რომლებსაც აქვთ პნევმონია, მათი მდგომარეობაც არის დამაკმაყოფილებელი. ჯერჯერობით COVID-დადებითი პაციენტი ჩვენს კლინიკაში არ არის.
გუშინ მოხდა 7 პაციენტის ტესტირება, შვიდივე პასუხი არის ნეგატიური. დღეს დაახლოებით 10 პაციენტი გაიტესტება და დაველოდებით პასუხებს“, – განაცხადა თეა თავართქილაძემ.
კომენტარები