ევროპის სხვადასხვა ქალაქებიდან საქართველოს მოქალაქეების ჩამოყვანა სპეციალური გრაფიკით მოხდება ამის შესახებ საგარეო საქმეთა მინისტრმა სპეციალური საკოორდინაციო საბჭოს სხდომის შემდეგ განაცხადა.
დავით ზალკალიანს თქმით, დღეს ერთი რეისი ბერლინიდან განხორციელდება, ხოლო ხვალ საქართველოს მოქალაქეები საბერძნეთიდან ბერძნული ავიაკომპანიის ავიარეისის მეშვეობით ჩამოფრინდებიან. საგარეო უწყების ხელმძღვანელის თქმით სპეცრეისები საქართველოს მოქალაქეების ქვეყანაში დასაბრუნებლად 2 კვირის განმავლობაში გაგრძელდება.
საზოგადოებას მინდა ვაცნობო, რომ კვირის განმავლობაში შედგება ორი რეისი. დღეს უკვე განხორციელდება თბილისი-ბერლინი-თბილისის რეისი, რომელიც სამშობლოში დააბრუნებს ჩვენს მოქალაქეებს, რომლებიც იყვნენ ამ პერიოდისთვის კონცენტრირებული ბერლინში და ასევე ევროპის სხვადასხვა დედაქალაქებში, საელჩოების საშუალებით მოხდა მათი თავმოყრა ბერლინში და ბერლინიდან მოხდება მათი დაბრუნება სამშობლოში.
ასევე განხორციელდება ბერძნული ავიაკომპანია “ეგეოსის” ავიახაზების მიერ თბილისის მიმართულებით რეისი, რომლითაც ისინი ჩამოიყვანენ საქართველოს მოქალაქეებს საბერძნეთიდან და საქართველოდან წაიყვანენ საკუთარ მოქალაქეებს.
რაც შეეხება შემდეგ კვირას, 26 მარტს განხორციელდება თბლისი-ვენა-თბილისის რეისი, ხოლო 31 მარტს თბილისი-ამსტერდმი-თბილისის რეისი. კიდევ ერთი კვირის შემდეგ, 3 აპრილს – თბილისი- ვარშავა-თბილისი, 7 აპრილს – თბილისი-ათენი-თბილისი, ხოლო 10 აპრილს – თბილისი-ლარნაკა-თბილისი. ეს არის უახლოესი დღეების განრიგი, რისი შესაძლებლობაც ამ სიტუაციაში არსებობს, რომ ეტაპობრივად გამოიყვანოთ ჩვენი მოქალაქეები და რა თქმა უნდა, ვმუშაობთ შემდეგი რეისების დაგეგმვაზე,” – განაცხადა დავით ზალკალიანმა.