რესპუბლიკურ საავადმყოფოში ამ დროისთვის 44 პაციენტია მოთავსებული, მათი ჯანმრთელობის მდგომარეობა დამაკმაყოფილებელია.
როგორც ლევან გოფოძე აცხადებს, გუშინ 14 ადამიანს ჩაუტარდა COVID 19-ზე ტესტი და პასუხი ყველა შემთხვევაში უარყოფითია. დღესვე მან განაცხადა, რომ დღეს რესპუბლიკურ საავადმყოფოს 10 პაციენტი დატოვებს.
“რესპუბლიკურ საავადმყოფოში დაკვირვების ქვეშ იმყოფება 44 პაციენტი. ყველა მათგანის მდგომარეობა დამაკმაყოფილებელია, მათ შორის გაუმჯობესდა შედარებით მდგომარეობა იმ პაციენტის, რომელიც მარნეულიდან იქნა გადმოყვანილი ორმხრივი პნევმონიით და სეპტიური შოკით. დღეს კიდევ შვიდ პაციენტზე ველოდებით პასუხებს. ოპტიმისტურად ვართ ამ თვალსაზრისით განწყობილი,” – განაცხადა ლევან გოფოძემ.
კომენტარები