„საქართველო დღეს ევროპის ქვეყნებს შორის ყველაზე კარგ მდგომარეობაშია,“ – განაცხადა ტელეკომპანია “აჭარის” ეთერში ინფექციური საავადმყოფოს დირექტორმა, თენგიზ ცერცვაძემ.
„საქართველო დღეს ევროპის ქვეყნებს შორის ყველაზე კარგს მდგომარეობაშია. მთელი მსოფლიო აღიარებს, საერთაშორისო ინსტიტუტებიდან დაწყებული ცალკეული ქვეყნების მთავრობებით, რომ საქართველოს საპასუხო პოლიტიკა ინფექციის წინააღმდეგ ბრძოლაში ჩაითვალა ყველაზე უფრო წარმატებულად ქვეყანაში და არაერთგზის გამოითქვა სურვილი უცხოეთის ქვეყნებიდან საქართველოს გამოცდილების გაზიარების. 100 პაციენტიდან ყველა ცოცხალია დღეს. ასეთი უნიკალური შედეგი თითქმის არც ერთ სახელმწიფოს არა აქვს”, – განაცხადა გადაცემა “თავისუფალ სივრცეში” ცერცვაძემ.
ამ დროისთვის ქვეყანაში კორონავირუსის 108 დადასტურებული შემთხვევა ფიქსირდება, აქედან 20 გამოჯანმრთელებული.
ამასთან, კარანტინის რეჟიმში 5114, ხოლო სტაციონარში მეთვალყურეობის ქვეშ 263 მოქალაქე იმყოფება.