ჩვენს კლინიკაში 77 პაციენტი განაგრძობს მკურნალობას. აქედან 17 არის ინფიცირებული. ბოლო 24 საათის განმავლობაში ჩვენთან არც ერთი დადებითი პასუხი არ მოსულა, – ამის შესახებ პირველი საუნივერსიტეტო კლინიკის დირექტორმა ჟურნალისტებს განუცხადა.
ლევან რატიანის თქმით, სავარაუდოდ, დღეს რამდენიმე ათეული პაციენტი დატოვებს კლინიკას და საკარანტინო ზონაში გადავლენ.
„გამომდინარე იქიდან, რომ ბოლო 24 საათის განმავლობაში ჩვენთან არც ერთი დადებითი პასუხი არ მოსულა, დღეს რამდენიმე ათეული პაციენტი დატოვებს კლინიკას. ჩაუტარდებათ ლაბორატორიული კვლევები და თუ იქნება ის ვითარება, რომ სტანდარტი შესაბამისობაში იქნება ჯანმოსრეკომენდაციებთან და მათ უნდა დატოვონ ჩვენი დაწესებულება და გადავიდნენ საკარანტინო ზონაში, დღის პირველ ნახევარში დაახლოებით 30 ასეთი პაციენტი დატოვებს კლინიკას“, – განაცხადა ლევან რატიანმა.