ბუტა რობაქიძის დედა ია მეტრეველი, გურამ დონაძის საპატიმროდან გათავისუფლებას ეხმაურება.
„მინდა, საჯაროდ გამოვიდეს და ილაპარაკოს, მთელი წლების განმავლობაში როგორ იტყუებოდა, ცხრა წელიწადი სისხლი რომ გამიშრო სასამართლოზე ტყუილებით“ – აცხადებს ია მეტრეველი.
მისი თქმით, მისთვის ყველაზე მნიშვნელოვანია, საზოგადოებამ ბუტა რობაქიძის უდანაშაულობის შესახებ იცოდეს.
„ჩემთვის აღარ აქვს დიდი მნიშვნელობა ეგენი ციხეში ისხდებიან თუ არა. ჩემთვის მთავარი იყო ის, რომ საზოგადოებას გაეგო სიმართლე, რომ ჩემს უდანაშაულო შვილს, ანგელოზივით ბავშვს, გარდა იმისა, რომ სიცოცხლე წაართვეს, საშინელება დააბრალეს. მე უფლის სამართალს ველოდები ისედაც და მაგათ ღმერთი მიუზღვავს, რაც ეკუთვნით. ნამდვილად მძიმეა ჩემთვის, რომ გავიგე გარეთაა, თუმცა, ალბათ, მნიშვნელოვანი რაღაცები ილაპარაკა. ჩემთვის მთავარია, რომ მთელმა საქართველომ იცის, რა და როგორ იყო“– ამბობს ია მეტრეველი.
აღნიშნული განცხადება მან „ინტერპრესნიუსთან“ საუბარში გააკეთა.