თბილისის რესპუბლიკურმა საავადმყოფომ 24 საათის განმავლობაში კორონავირუსით ინფიცირებული ათი ახალი პაციენტი მიიღო.
კლინიკაში ამ დროისთვის, 29 კოვიდ ინფიცირებული მკურნალობს. მათ შორის- 2 ექიმია.
“ჩვენ 2 პაციენტი დაგვემატა, თუმცა გუშინ შემოყვანილი პაციენტებიდან კიდევ 8 პაციენტს დაუდასტურდა კორონავირუსი. ჩვენთან პაციენტების რიცხვი თანდათანობით მატულობს.
დაინფიცირებულებს შორის 2 მედიკოსია. რაც შეეხება ჩვენს დანარჩენ პერსონალს, ყველა დანარჩენის პასუხი ნეგატიური მოვიდა,”– აღნიშნა ნ. ყიფშიძის სახელობის ცენტრალური საუნივერსიტეტო კლინიკა – რესპუბლიკური საავადმყოფოს გენერალურმა დირექტორმა, ლევან გოფოძემ.
კომენტარები