„გირჩის“ აქციიდან რამდენიმე ადამიანი ვაკე-საბურთალოს განყოფილებაში გადაიყვანეს. იპოდრომის ტერიტორიაზე აქცია იყო, სადაც საგანგებო მდგომარეობას და მის გაგრძელებას აპროტესტებდნენ.
საპატრულო პოლიციის წარმომადგენელთა განმარტებით, საგანგებო მდგომარეობის წესის დარღვევის გამო ისინი კანონის შესაბამისად დაჯარიმდებიან.
თავად დაკავებულები აცხადებენ, რომ სეირნობდნენ და ამის შემდეგ დააკავეს. ადგილიდან ასევერ ვრცელდება ინფორმაცია, რომ აქციაზე პოლიციისთვის დაუმორჩილებლობის გამოც დააკავეს ადამიანები.
„გირჩის“ ლიდერი ზურაბ ჯაფარიძე აცხადებს, რომ კორონავირუსის გავრცელების პრევენციაზე სოციალური დისტანცია და ადამიანების პასუხისმგებლიანი ქცევა მუშაობს და არა საგანგებო მდგომარეობა, რომელიც მისი შეფასებით, შოუს ნაწილია.
კომენტარები