დელტას” სეტყვის საწინააღმდეგო სისტემამ, 6 და 7 სექტემბერს, კახეთის რეგიონში რამდენიმე მასშტაბური სეტყვასშიში ღრუბლის მასა გაანეიტრალა.
“დელტას” ინფორმაციით, 6 სექტემბრის 16:40 საათიდან ახმეტის რაიონში განვითარდა სეტყვასშიში ფრონტალური ღრუბლის მასა.
17:38 საათიდან 19:07 საათამდე ღრუბლის ფრონტი ყვარლის, გურჯაანის, ლაგოდეხისა და სიღნაღის რაიონებში ეტაპობრივად გავრცელდა. სეტყვის მოსვლის ალბათობა 80 % იყო, მოსალოდნელი სეტყვის მარცვლების ზომა – 30 მმ.
17:41 დან 19:24 საათამდე ღრუბლის მასები სეტყვასაწინააღმდეგო რაკეტებით ეტაპობრივად დამუშავდა. გასროლილ იქნა 100 ერთეულამდე რაკეტა.
7 სექტემბრის 13:34 საათიდან დედოფლისწყაროს რაიონში შიდამასიური ღრუბელი განვითარდა. მოსალოდნელი სეტყვის მარცვლების ზომა 10-25 მმ., სეტყვის მოსვლის ალბათობა კი 80 % იყო. 18:30 დან 20:09 საათამდე შიდამასიური სეტყვასაშიში ღრუბელი თელავის, ახმეტის, გურჯაანის, სიღნაღის და ლაგოდეხის რაიონებშიც წარმოიშვა.
19:12 საათიდან 22:07 საათამდე სეტყვის საწინააღმდეგო სისტემის მიერ ღრუბლების ეტაპობრივი დამუშავება განხორციელდა. გასროლილი იქნა 60 ერთეულამდე რაკეტა.
დამუშავების შედეგად, ნალექის მასები უწვრილესი სეტყვის და წვიმის სახით ჩამოიცალა.
სეტყვის საწინააღმდეგო სისტემამ კახეთში მასშტაბური სეტყვასაშიში ღრუბლის მასები გაანეიტრალა
2016/09/10 17:35:29
ნანახია: 1883 ჯერ