კახეთი, როგორც ძლიერი, დინამიურად განვითარებადი კუთხე, იქნება ერთ-ერთი ავანგარდი ჩვენი ქვეყნის განვითარების საქმეში,- ამის შესახებ კახეთის ახალმა გუბერნატორმა, ირაკლი ქადაგიშვილმა განაცხადა.
როგორც ქადაგიშვილმა აღნიშნა, კახეთთან არაერთი შეხება ქონია, საარჩევნო, ისე სხვადასხვა პროგრამების განხორციელების კუთხით.
„პირველი რიგის ამოცანად კახეთში დგას რთველის წარმატებით ჩატარება, რათა მევენახეებმა სრულად მიიღონ ყველა სიკეთე, რასაც რთველისგან ელოდებიან“,-აღნიშნა ქადაგიშვილმა.
ამასთან, მისივე თქმით, “უნდა გატარდეს ბოლომდე მთავრობის კურსი, რომ არჩევნები მათ შორის კახეთის საარჩევნო ოლქებშიც, ჩატარდეს ღია, თავისუფალ, კონკურენტულ გარემოში“,-აღნიშნა ქადაგიშვილმა.
ირაკლი ქადაგიშვილი კახეთის გუბერნატორად პრემიერ-მინისტრმა დღეს წარადგინა.
კომენტარები