ზაზა ბიბილაშვილი სოციალურ ქსელში წერს-
“დიდი ვნებათაღელვა გამოიწვია ენმ-ს მიერ ზაზა გოროზიას შესაძლო დასახელებამ მაჟორიტარობის კანდიდატად. როგორც ჩანს, ეს ვარიანტი აქტიურად აღარ განიხილება, რამაც ბევრს, ვინც ამ კანდიდატურის წინააღმდეგი იყო, წარმატების ილუზია შეუქმნა. სინამდვილეში, პრობლემა სულ სხვაგანაა:
პრობლემა ისაა, რომ არავინ იცის, თუ ვის მიერ, რა გზითა და კრიტერიუმებით ირჩევა კანდიდატი და იწერება საარჩევნო სია. არ არსებობს კანდიდატთა შერჩევისა და სიების შედგენის ღია, განჭვრეტადი, მერიტოკრატიულ პრინციპებზე დაფუძნებული წესი, რომლითაც პარტიების წევრები და მომხრეები იხელმძღვანელებდნენ. ამ უკანასკნელთ არ გააჩნიათ არანაირი ფორმალური გზა, თავად აირჩიონ, ვინ უნდა იყოს მათი კანდიდატი ან მათი რჩეული პარტიის გამსვლელი სიის წევრი.
ხოდა, დემოკრატია გადაიტანს ცუდ კანდიდატს (კონკრეტულად არავის ვგულისხმობ), მაგრამ როცა კანდიდატის შერჩევა ერთი ან რამდენიმე ადამიანის კეთილგანზყობაზე და გაუგებარ კრიტერიუმებზეა დაფუძნებული, თვისებრივად არაფერი შეიცვლება, სულ რომ ვაცლავ ჰაველებით გამოტენო სია.”-წერს ზაზა ბიბილაშვილი