30-მდე ოპოზიციურმა პარტიამ მემორანდუმი გააფორმა.
ოპოზიციის წარმომადგენლები თანხმდებიან, რომ საპარლამენტო არჩევნებზე როგორც საკუთარ, ისე ერთმანეთის ხმებს დაიცავენ.
ამომრჩევლების ხმების დაცვის შტაბს პაატა დავითაია უხელმძღვანელებს.
რაც შეეხება კონკრეტულ მექანიზმებს, რომელიც დეკლარაციითაა გათვალისწინებული, როგორც ოპოზიციური პარტიების შეხვედრის შემდეგ გახდა ცნობილი, შეიქმენება პარტიებს შორის საერთო მონაცემთა ბაზა, სადაც აისახება არჩევნებზე დაფიქსირებული დარღვევები.
ასევე ძალაში შევა საერთო საკოორდინაციო მექანიზმი, თუ როგორ რეაგირებას მოახდენენ პარტიები დარღვევებზე.
კომენტარები