„დეტალურად ვუყურე გავრცელებულ ვიდეორგოლს და ნათლად ჩანს, რომ ავტომანქანას მართავს თავად ბაჩალიაშვილი, ავტომანქანაში სხვა პირი არ იმყოფება“, -ამის შესახებ ანალიტიკოსი ლევან ნიკოლეიშვილი სოციალურ ქსელში წერს.
როგორც ნიკოლეიშვილი აღნიშნავს, ვიდეორგოლში ნათლად ჩანს, რომ ავტომანქანას თავად თამარ ბაჩალიაშვილი მართავს და რომ ავტომანქანაში სხვა პირი არ იმყოფება.
„ხომ ატყუებდნენ საზოგადოებას, ავტომანქანაში სილუეტი ჩანს, სხვა პირიც ზისო? დეტალურად ვუყურე ვიდეორგოლს და ამოვჭერი ფოტოები, სადაც ნათლად ჩანს, რომ ავტომანქანას მართავს თავად თამარ ბაჩალიაშვილი, ხოლო ავტომანქანაში სხვა პირი არ იმყოფება. იმედი მაქვს რომ ასე მწყობრად და თანმიმდევრულად გაცამტვერდება „ნაცმედიის“ ტყუილები და საქმეს ძალიან მალე დაესმება ლოგიკური წერტილი“,- წერს ნიკოლეიშვილი.
კომენტარები