„ძალა ერთობაშიას“ საარჩევნო სიის შედგენისას მთელი რიგი უთანხმოებები წარმოიშვა, – ამის შესახებ „ძალა ერთობაშიას“ წევრმა, ჩინეთში საქართველოს ყოფილმა ელჩმა მამუკა გამყრელიძემ განაცხადა.
„ალბათ ვერ დაინახეს ჩემი ადგილი. ჩვენ გვქონდა შეთანხმება, რომ მეორე ან მესამე ათეულში უნდა ყოფილიყვნენ „ძალა ერთობაშიას“ წევრები. შემდეგ მთელი რიგი უთანხმოებები წარმოიშვა. ვიღაცისთვის კახა ოქრიაშვილი უფრო პრიორიტეტულია, ვიღაცისთვის – რესპუბლიკელები, ვიღაცისთვის – გუბაზ სანიკიძე. როგორც ჩანს, უფრო პრიორიტეტულები არიან ის ადამიანები, ვინც „ქართული ოცნებიდან“ წამოიყვანეს. რატომ არ არის პაატა დავითაია სიაში, ეს ალბათ გრიგოლ ვაშაძეს უნდა კითხოთ, ალბათ ვერ დაინახეს ვერც მისი ადგილი სიაში“. – განაცხადა გამყრელიძემ.
კომენტარები