უგულავებო, გოცირიძეებო, ბუბა კიკაბიძეებო, მელიებო….და საერთოდ კოლექტიური სატურეთო გამოდით ახლა და ქალაქის ახლანდელი მერის არ იყოს დიღმის ტყე-პარკის ხვრელებში, რომ გაქვთ შენახული ხალხისგან დამალულად უზარმაზარი მოპარული უძრავი ქონება აჩუქეთ უკან თბილისის მოსახლეობას! – ამის შესახებ ექსპერტი ედიშერ გვენეტაძე სოციალურ ქსელში წერს.
“უსინდისობამ აპოგეას მიაღწია! ბიუჯეტის ქურდი და ხალხის გამყვლეფი ყოფილი მერი გიგუშა უგულავა აკრიტიკებს ივანიშვილის მიერ იპოდრომის ქალაქისათვის ჩუქებას!
მერი, რომელმაც თითქოს ბაბუამისის ქონება ყოფილიყო, ისე გაყიდა რიყე ოფიციალურად 7 მილიონად და მერე დასჭირდა და გამოისყიდა უკან 17 მილიონად ისევ ბიუჯეტის ფულით!
ხომ მაგარი ბიზნესმენი მერი გვყავდა! უბრალოდ ყიდვა-გაყიდვით 10 მილიონი ხალხის მიერ შეტანილი ფული წაგებით გააიმასქნა!
მერე კიდევ ერთი 50 მილიონი მიამატა და რომ წაასწრეს და ვირის აბანოში წააბუნძულეს მისმა საფანჩატურეთში შეკრებილმა თანამოაზრე-თანამოსაქმეებმა ერთი ვაი-ვიში ატეხეს პოლიტპატიმარიაო!
და ეს ასეთი “სუფთა” ბიოგრაფიის კაცი დღეს ბედავს გამოდის და რაღაცეებს ბჟუტურებს!
ჰოდა უგულავებო, გოცირიძეებო, ბუბა კიკაბიძეებო, მელიებო…. და საერთოდ კოლექტიური სატურეთო გამოდით ახლა და ქალაქის ახლანდელი მერის არ იყოს დიღმის ტყე-პარკის ხვრელებში, რომ გაქვთ შენახული ხალხისგან დამალულად უზარმაზარი მოპარული უძრავი ქონება აჩუქეთ უკან თბილისის მოსახლეობას!
ხოლო ხაზრაძემ შემოსწიროს ლისის ტბა მის მიერვე გაღლეტილ მშრომელებს!
სინჯეთ ერთი, სინჯეთ!
გარწმუნებთ ისეთ ბაღნარი გაშენდება, რომ მერე თქვენც სულ სიმღერ-სიმღერით “ბაღი-ბაღნარიათი” შეხვალთ და იქ დახარჯავთ საცოდავი ხალხისაგან წლების მანძილზე ნაძარცვ ფულებს!
მარა რისი მჩუქებელ-შემომწირველები ხართ თქვენ წუწურაქებო!
თქვენ, რომ ტილს ტყავს აძრობთ, მერე ის ტილი გზაზე თუ შეხვდა იმ ცნობილ ბანკირს, მას ხელში აჰყავს და ათვალიერებს იქნებ ცოტა ქონი ჰქონდეს შერჩენილიო!”, – წერს ედიშერ გვენეტაძე.