გამოძიება უნდ დასრულდეს და ყველა ადამიანმა, ვისაც კი შეხება ჰქონდა ანტისახელწიფოებრივ უკანონობაზე, უნდა აგოს პასუხი, – ამის შესახებ საქართველოს პარლამენტის ვიცე-სპიკერმა, კახა კუჭავამ დავით გარეჯის საკითხზე კომენტირებისას აღნიშნა.
როგორც კახა კუკავამ განაცხადა, დაკავებული უნდა იყოს ის, ვისაც ბრალი დაუმტკიცდება და ამას გამოძიება აჩვენებს.
„ფაქტი ერთია, ჩვენ ვსაუბრობთ ქართული ისტორიულ მიწა-წყალზე. უმნიშვნელოვანესი ისტორიული ფაქტია, რომ დადგინდეს ჩვენი საზღვრები და ის, რაც ქართული ტერიტორიაა, საქართველოს დარჩეს. ამ დროს, როდესაც გესმის, რომ იყო გარკვეული ფაქტები, რომელიც არ იყო გამოყენებული, რომელიც საქართველოს უპირატეს მდგომარეობაში ჩააყენებდა, მარტივი კითხვაა, გამოძიება უნდა დაწყებულიყო თუ არა? კონკრეტული გვარები ნამდვილად არ მაინტერესებს. გამოძიება უნდა დასრულდეს და ყველა ადამიანი, ვისაც კი შეხება ჰქონდა ამ ანტისახელწიფოებრივუკანონობაზე, უნდა აგოს პასუხი. ყველას ვთხოვდი, რომ საქართველოს ინტერესები გაითვალისწინონ, როდესაც ვსაუბრობთ თუნდაც ერთ გოჯ მიწაზე. ოპონენტების რეაგირება, სამწუხაროდ, ძალიან არაადეკვატურია იმ ეროვნულ საკითხებთან დაკავშირებით, რომლებიც გვერდში დგომას და თანადგომას საჭიროებს“, – განაცხადა კახა კუჭავამ.