ოპოზიცია და „ქართული ოცნება“ აშშ-ის ელჩის რეზიდენციაში ერთმანეთს ხვდებიან

ოპოზიციური პარტიებისა და „ქართული ოცნების“ წარმომადგენლები ამ წუთებში აშშ-ის ელჩის, კელი დეგნანის რეზიდენციაში შეხვედრას მართავენ.

„მთავარი არხის“ ცნობით, შეხვედრაზე მივიდნენ არჩილ თალაკვაძე „ქართული ოცნებიდან“ და ოპოზიციიდან სხვადასხვა ფიგურებით, მათ შორის გრიგოლ ვაშაძე „ნაციონალური მოძრაობიდან“, დავით ბაქრაძე „ევროპული საქართველოდან“, ირმა ინაშვილი „პატრიოტთა ალიანსიდან“ და შალვა ნათელაშვილი „ლეიბორისტული პარტიიდან“, გიორგი ვაშაძე „სტრატეგია აღმაშენებლიდან“ და ზურა ჯაფარიძე „გირჩიდან“.

გუშინ „ერთიანი ნაციონალური მოძრაობის“ თავმჯდომარემ გრიგოლ ვაშაძემ “რუსთავი 2-თან” ექსკლუზიურ ინტერვიუში თქვა, რომ ოპოზიციასა და ხელისუფლებას შორის პარტნიორი ელჩების შუამავლობით დაგეგმილი იყო მოლაპარაკებების დაწყება, მაგრამ ეს ბოლო წუთს ჩაიშალა.