ოპოზიციის წარმომადგენლები მემალებიან, ეთერშიც არ მიჯდებიან სალაპარაკოდ, – ამის შესახებ „გირჩის“ წევრმა, იაგო ხვიჩიამ „ტვ პირველის“ ეთერში განაცხადა.
„ოპოზიციას სიმართლისთვის თვალის გასწორება არ უნდა. ხელისუფლებაც მე ასეთი მგონია, მაგრამ სადაც მათ არგუმენტები აქვთ და პრეტენზიები, რომელიც მე დასაბუთებული მგონია, ეს მათ უნდა დავუფასოთ და ვთქვათ, რომ ეს არის არგუმენტია და ამას პასუხი სჭირდება, ამას სჭირდება კონტრარგუმენტი. და ის, რომ მემარცხენე აქტივისტებს, რომლებსაც არ უნდათ სიღრმეში შესვლა და ლოზუნგებით იარლიყს მოგაკერებენ და მერე გლანძღავენ, ასე რომ ვიქცევით ამას ხედავენ ამერიკელი ფასილიტატორებიც.
ოპოზიციას ბევრი რამ აქვს დასამტკიცებელი, პირველ რიგში ის რომ შარზე არაა. ამათმა ყველაფერი გააკეთეს იმისთვის, რომ პარლამენტი არ შედგეს.
სადღაც დაიმალნენ „ლელოს“ ოფისში და იქედან არ გამოდიან. პოლიტიკურ პროცესში კი არ მონაწილეობენ, შეხვედრები სირცხვილი ჰქონიათ, მათ შორის განსხვავებულ მოსაზრებაზე მყოფი ადამიანების. ერთად ზის ხალხი, რომლებსაც ცოტა ხნის წინ ერთმანეთი ჰყავთ დაჭერილი, ერთმანეთს სცემდნენ, ერთმანეთის მომხრეებს ასისხლიანებდნენ და უშვერი სიტყვებით აგინებდნენ. ეს ყველასთვის გასაგებია, მათ შორის ამერიკის ელჩისთვისაც. ყველასთან შეიძლება იყო მტყუანი, მაგრამ ამერიკის ელჩთან გამტყუნდე, შენნაირი პატარა ქვეყნის პოლიტიკური ძალის წარმომადგენელი და ის თვლიდეს, რომ შენ გამტყუნებულის მხარეს ხარ, თან იძახდე რომ არ ენდობი ამ ხალხის მიერ გამოთქმულ სამართლიანობას. ეს ჩემთვის სამარცხვინო ამბავია“, – განაცხადა იაგო ხვიჩიამ.