წინა არჩევნებთან შედარებით „ნაციონალურ მოძრაობას“ 100 000 ხმით ნაკლები აქვს მიღებული, ამიტომ მე არ ვეთანხმები იმ აზრს, რომ „ევროპული საქართველო“ „ნაცმოძრაობამ“ შეჭამა. შესაბამისად, ძნელი სათქმელია, რომ ჩვენი ამომრჩეველი მათთან წავიდა. ამ მონაცემებიდან ეს არ ჩანს, – ამის შესახებ „ფორმულას“ ეთერში „ევროპული საქართველოს“ გენერალურმა მდივანმა, გიგი უგულავამ განაცხადა.
„ეს რომ ასე ყოფილიყო, მე არ გამიჭირდებოდა აღიარება, მაგრამ დოკუმენტებიდან ეს არ ჩანს. ჩემი აზრით, ჩვენი ელექტორატის მნიშვნელოვანი ნაწილი წავიდა „გირჩთან“ და „ლელოსთან“. ფაქტია, რომ პარტია ვერ განვითარდა, გავიჭედეთ. პარტიის უმრავლესობის პოზიციაა, რომ თუ გვერდზე გაწევაა, უნდა გაიწიოს სამივე ლიდერი – ამას ამბობს ხათუნა გოგორიშვილიც, სერგი კაპანაძეც. როცა ვამბობ, რომ ლიდერის ღირსებაა მის უნარში – იგრძნოს ეს მომენტი და გვერდზე გაიწიოს. თუ ახლა, როდესაც 4%-მდე დაეცა პარტიის რეიტინგი, არავინ აიღო პასუხისმგებლობა, მაშინ რაზე ვსაუბრობთ საერთოდ“, – განაცხადა უგულავამ.