„ქართულმა ოცნებამ“ რამდენჯერმე, მინიმუმ 3-4-ჯერ შესთავაზა ოპოზიციას, თუ ამ შეთანხმებას მოაწერდნენ ხელს, ისინიც მზად იყვნენ ხელი მოეწერათ, მხოლოდ ასეთ შეთავაზებას ჰქონდა ადგილი „ქართული ოცნებისგან“, – ამის შესახებ „გირჩის“ წევრმა, ვახტანგ მეგრელიშვილმა განაცხადა.
როგორც ვახტანგ მეგრელიშვილმა აღნიშნა, ეს შეიძლება ორი მხრიდან გაიგო, ერთი მხრივ, „ქართული ოცნება“ აცხადება მზადყოფნა, მაგრამ ამავე დროს იცოდა, რომ მეორე მხარე საერთოდ არ იყო მზად ამ შეთანხმებისთვის ხელმოსაწერად, ორმაგი გაგების შესაძლებლობას ტოვებდა „ქართული ოცნების“ ის პოზიცია, რასაც იქ იჭერდა.
„დანიელსონმა თქვა, რომ რამდენიმე თვეში შესაძლებელია, გიორგი რურუას სამაჯურის ან რაღაც მექანიზმის მოფიქრება, რომლის შედეგადაც ეს ადამიანი უახლოეს პერიოდში, თუ მხარეების ნდობა იქნება ამ შეთანხმების მიმართ, გამოვა“, – განაცხადა მეგრელიშვილმა.
კითხვაზე, ალეკო ელისაშვილმა განაცხადა, რომ „ქართულმა ოცნებამ“ თქვა, მექანიზმს შევიმუშვებთ, რომ დროულად გამოვიდეს, თუ მოაწერთ ამ შემთხვევაში, მაგრამ მაინც უარზე წავიდა ოპოზიცია, მეგრელიშვილმა აღნიშნა, რომ ტექსტში ეგეც ეწერა.
„ეს ნიშნავს, რომ ყველანი შევდივართ პარლამენტში და იქ შევიმუშავებთ მექანიზმს, როგორ შეიძლება სამართლის ჩარჩოში გიორგი რურუამ დატოვოს საპატიმრო, ამას ხომ სჭირდება, რომ ჯერ პარლამენტში შეხვიდე. ჯერ შეთანხმდე სხვა საკითხებზეც, მათ შორის იმაზეც, რომ გიორგი რურუას საკითხზე ერთობლივად იმუშავებ და შეხვიდე პარლამენტში. ამის მზაობა მხარეებს არ ჰქონდათ. რამდენჯერ მაქვს ამის შესახებ კომენტარი გაკეთებული, უბრალოდ ვერ ვხვდები, რა ვთქვა ახალი. ნდობა ერთმანეთის მიმართ საერთოდ ნულზეა. არ გამიჩნდა შთაბეჭდილება, რომ რომელიღაც მხარე მოწადინებული იყო. ორივე მხარე მოწადინებული იყო, რომ მეორე მხარეს ჩაშლა დაბრალებოდა“, – განაცხადა მეგრელიშვილმა.