გუკა რჩეულიშვილმა ე.წ. ბათუმის მაგნოლიას ეპიზოდზე მიმდინარე სასამართლო პროცესი დატოვა. რჩეულიშვილმა პროცესის დატოვების მიზეზად შეუძლოდ ყოფნა დაასახელა.
“ბოლო პერიოდია წნევები მაწუხებს და თუ შიძლება მე დავტოვებ სხდომას, თუ ეს პროცესის მიმდინარეობას ხელს არ შეუშლის”, – აღნიშნა რჩეულიშვილმა, რის შემდეგაც სხდომათა დარბაზი საბადრაგო სამსახურის თანამშრომლების თანხლებით დატოვა.
“ცენტრ პოინტის” საქმეზე, ე.წ. ბათუმის მაგნოლიას ეპიზოდის სასამართლო განხილვა ამჟამად ორი ბრალდებულის გარეშე მიმდინარეობს. გურამ რჩეულიშვილთან ერთად პროცესს მაია რჩეულიშვილიც არ ესწრება, რომელმაც აღნიშნულ საქმეზე მიმდინარე ყველა სასამართლო პროცესზე დასწრებაზე უარი განაცხადა.
დღევანდელ სასამართლო პროცესზე მხარეები მტკიცებულებების დასაშვებობის საკითხზე მსჯელობენ.
კომენტარები