თურქეთში დაღუპული ქართველი მეზღვაურის ცხედარი სარფის საბაჟოს გავლით საქართველოში გადმოასვენეს.
სარფში გარდაცვლილის ოჯახის წევრები და ახლობლები იყვნენ შეკრებილნი. სარფის საბაჟოზე ასევე იმყოფებოდა კომპანიის წარმომადგენელი, რომელმაც ოჯახს ექსპერტიზის დასკვნა გააცნო.
თუმცა გარდაცვლილის ოჯახის წევრებს, ოფიციალური ვერსიის, რომ ახალგაზრდას ფეხი დაუცურდა, ჩამოვარდა და ამის შედეგად გარდაიცვალა, არ სჯერათ.
ოჯახი სახელმწიფო სტრუქტურებს გამოძიების ჩატარების მოთხოვნით მიმართავს. ასევე, ისინი აპირებენ ცხედარს ექსპერტიზა განმეორებით ჩაუტარონ.
შეგახსენებთ, რომ უბედური შემთხვევა 21 ოქტომბერს პანამის დროშის ქვეშ მცურავ თურქულ გემზე მოხდა. 23 წლის ახალგაზრდა გემზე პირველად იმყოფებოდა. ის, სავარაუდოდ, გემბანიდან გადმოვარდნის შედეგად გარდაიცვალა.
კომენტარები