საქართველოს საზღვარზე ბუნებრივი გაზის მაგისტრალური გაზსადენის სისტემაში გაზის გარკვეული დეფიციტის შექმნის გამო, შესაძლოა, დედაქალაქის რამდენიმე უბანზე გაზის წნევამ დაიკლოს.
თბილისის გაზგამანაწილებელ სადგურზე ვერ ხერხდება შესაბამისი წნევით გაზის მიწოდების უზრუნველყოფა.
,,შპს „ ყაზტრანსგაზ – თბილისი“ გაცნობებთ, რომ შპს „საქართველოს გაზის ტრანსპორტირების კომპანიის“ მიერ გავრცელებული ინფორმაციის თანახმად, საქართველოს საზღვარზე ბუნებრივი გაზის შეფერხებით მოწოდებამ მაგისტრალური გაზსადენების სისტემაში გაზის გარკვეული დეფიციტი შექმნა. აღნიშნული მიზეზით, ქ. თბილისის გაზგამანაწილებელ სადგურებზე ტრანსპორტირების კომპანიის მიერ ვერ ხერხდება შესაბამისი წნევით გაზის მოწოდების უზრუნველყოფა, რის გამოც დედაქალაქის რამოდენიმე უბანში შესაძლოა აღინიშნოს გაზის წნევის კლება.
შპს „ საქართველოს გაზის ტრანსპორტირების კომპანიის“ განცხადების თანახმად, გაზის დეფიციტის აღმოფხვრის მიზნით მიმდინარეობს ინტენსიური სამუშაოები და უახლოეს საათებში პრობლემა აღმოიფხვრება”, – აცხადებენ კომპანიაში.