ვაქცინაცია გვიცავს ჩვენ და ჩვენს ჯანმრთელობას, რომ შევძლოთ საბოლოოდ გადავტეხოთ ეს რეალობა და განვითარების იმ ტემპს დავუბრუნდეთ, რომელიც პანდემიამდე იყო, – ამის შესახებ საქართველოს პარლამენტის თავმჯდომარემ, კახა კუჭავამ წალენჯიხის მერობის კანდიდატის წარდგენისას განაცხადა.
„არ შეიძლება, არ ვახსენოთ მთავარი გამოწვევა, რომელიც არა მარტო ამ რეგიონის და ჩვენი ქვეყნის, არამედ მთელი მსოფლიოს წინაშე დგას – ეს არის პანდემია. რა თქმა უნდა, პირველ რიგში, უნდა დავიცვათ ყველა რეკომენდაცია, ღია ცის ქვეშაც ვატაროთ პირბადე, მაქსიმალურად ვიყოთ ფრთხილად, გავუფრთხილდეთ ერთმანეთს. აუცილებელია ვაქცინაციის დასრულება, რომელსაც ალტერნატივა არ აქვს. ვაქცინაცია გვიცავს ჩვენ და ჩვენს ჯანმრთელობას, რომ შევძლოთ საბოლოოდ გადავტეხოთ ეს რეალობა და განვითარების იმ ტემპს დავუბრუნდეთ, რომელიც პანდემიამდე იყო“, – განაცხადა კახა კუჭავამ.