საფრანგეთში ქართული სათვისტომოს პრეზიდენტი, ოთარ ზურაბიშვილი აღნიშნავს, რომ დღეს დაგეგმილი ცერემონია, რომელზეც საქართველოს პრეზიდენტი, სალომე ზურაბიშვილი წარდგება სიტყვით, ორი ქვეყნის მჭიდრო ურთიერთობის ნათელი დასტურია.
„ასეთი ცერემონია, მსგავსი მასშტაბური ღონისძიება იშვიათად იმართება. დღეს აქ იქნებიან საფრანგეთის უმაღლესი სამხედრო პირები, რომლებიც, მსგავს ცერემონიაზე, ჩემს ცხოვრებაში, არასდროს მინახავს. ეს ცხადყოფს, თუ რამდენად ყურადღებიანები არიან საქართველოს მიმართ და რა დონეზეა საქართველოსა და საფრანგეთის ურთიერთობა და მეგობრობა“, – აღნიშნავს ოთარ ზურაბიშვილი.
საქართველოს პრეზიდენტი საფრანგეთს სამუშაო ვიზიტით ეწვია. სალომე ზურაბიშვილი მონაწილეობას მიიღებს საფრანგეთის მიერ საქართველოს დემოკრატიული რესპუბლიკის აღიარების 100 წლისთავისადმი მიძღვნილ ღონისძიებებში. დღესვე პრეზიდენტი ვიცე პოლკოვნიკ დიმიტრი ამილახვარის ხსოვნის პატივსაცემად გამართულ საზეიმო ცერემონიაში მიიღებს მონაწილეობას.