მოკლედ, რახან ტრენდია ოქმების ფრიალი, მეც დავდებ, ბათუმში „სახე+“-მა 347 ხმა გაგვიყალბა და კვლავ. იცოდეთ, დღეს ვინც ოქმებით მანიპულირებს, სინამდვილეში თქვენით მანიპულირებს, – ამის შესახებ საპარლამენტო უმრავლესობის წევრი, შალვა პაპუაშვილი სოციალურ ქსელში წერს და ფოტოებს აქვეყნებს.
„ყვარლის მე-8 უბანზე, შემთხვევით შერჩევით 10%-ის გადათვლისას, აღმოჩნდა, რომ „ნაციონალური მოძრაობის“ მერობის კანდიდატის 287 ხმა მითვლილი ჰქონდა გახარიას პარტიის მერობის კანდიდატს.
რა ვქნათ ახლა? ზოგიერთი პოპულისტივით, ბრიფინგს ბრიფინგზე რომ მართავენ, ვთქვათ, რომ გახარიამ „ნაციონალურ მოძრაობას“ გაუყალბა?
სინამდვილეში, ზოგჯერ ხარვეზი, უბრალოდ ხარვეზია. რაც სწორედ შემთხვევით შერჩეული უბნების 10%-ის გადათვალამაც დაადასტურა.
სხვათა შორის, დაზუსტების შედეგად „ქართულ ოცნებას“ თბილისში 520 ხმა დაგვემატა (ანუ აღმოჩნდა, რომ მანამდე დაგვაკლეს და გაგვიყალბეს….)
ასე, რომ იცოდეთ, ყველა ვინც დღეს ამ საკითხით მანიპულირებს, უბრალოდ თქვენით მანიპულირებს“, – წერს შალვა პაპუაშვილი.
