ბოლო კომისისის სხდომაზე შემოგვთავაზეს რამდენიმე ვარიანტი სადავო შენობასთან დაკავშირებით. ჩვენ ჩვენი მოსაზრებები გვექნება, – ამის შესახებ, დასავლეთ საქართველოს მუფტის მოადგილე ადამ შანთაძემ, რომელიც კომისიაში მუსლიმთა ინტერესს წარმოადგენს, „კვირას“ პრესკლუბში გამართულ პრესკონფერენციაზე განაცხადა.
შანთაძემ გასულ კვირას სადავო შენობის დამდგენი კომისიის მიერ მიღებულ გადაწყვეტილებაზე ისაუბრა. მისი განცხადებით, შენობასთან დაკავშირებით მიმდინარეობს მუშა პროცესი.
“ლოცვის პრობლემასთან დაკავშირებით, კომისიის სხვა წევრებთან ერთად მოსახლეობას შევთავაზეთ 2 ვარიანტი: ან ის სახლი, სადაც ლოცულობენ ან ახალი ფართი, ხოლო სადავო შენობის ბედი სამომავლოდ გადაწყდება, ამაზე შეთანხება ჯერ არ მომხდარა.
ჩვენ ვართ მუსლიმების წარმომადგენლები და ვიცავთ მუსულმანთა ინტერესებს კომისიაში. 1 დეკემბრისთვის იქნება საბოლოოდ შეჯერებული პოზიცია საკითხთან დაკავშირებით”, – განაცხადა ადამ შანთაძემ „კვირას“ პრესკლუბში გამართულ პრესკონფერენციაზე.
მისივე თქმით, თუ სოფელში მოიხსნება ლოცვის პრობლემა, ეს იმას ნიშნავს, რომ პრობლემა მოგვარდება.