საინფორმაციო სააგენტო “კვირას” რედაქტორი და ჟურნალისტი ქეთი ხოსიტაშვილი, სოციალურ ქსელში ემოციურ პოსტს აქვეყნებს:
“ზუსტად ვიცი, ყველაფერი კარგად ჩაივლის, მაგრამ, მაინც, ყველა ღონისძიების წინ ძალიან ვნერვიულობ. რამდენჯერ მითქვამს თავისთვის: “ნეტა, რატომ ვიკლავ თავს”, მაგრამ ის ერთი მოუსვენარი ჭია რომ შემოგიჩნდება…გიჩკიკინებს და გიჩხიკინებს…გეუბნება ჩუმად: “მიდი, ქეთო, მაგარი საქმეა, უნდა გააკეთო”…
ჰოდა, ასე, ხვალ ერთ მაგარ ადგილზე, მაგარ ადამიანებთან ერთად, მაგარ ღონისძიებას ვგეგმავთ. სასწრაფოს ექიმები უნდა შევახვედროთ გადარჩენილ პაციენტებს…დარწმუნებული ვარ, ძალიან ემოციური დღე იქნება. ერთი ექიმიც არ არსებობს, ვისაც თუნდაც ერთი სიცოცხლე არ აქვს გადარჩენილი. შესაძლოა მათთვის ეს პროფესიაა, მაგრამ პირადად ჩემთვის, ისინი გმირები არიან, გმირები, რომლებსაც ჩვენი დაფასება და სიყვარული სულ უნდა დავუფიქსიროთ და მადლიერება გამოვხატოთ. ვუთხრათ მადლობა ჩვენი გადარჩენისთვის 
პირადად მე ამას, ხვალ სიამოვნებით გავაკეთებ და მერე რა, თუ ცოტას ვინერვიულებ… “,-წერს ხოსიტაშვილი.